يغادر نجم فريق الحكمة ايلي رستم الى دبي للالتحاق ببعثة النادي اللبناني بعد ان اتخذت المشاكل المادية بينه وبين الادارة الطريق الصحيح ،وتم حل المشكلة بينهما. ويصل رستم الى الامارات يوم الاحد 18 كانون الثاني الجاري على ان يشارك فريقه المران المسائي ،ويتوقع ان يخوض مع الحكمة مباراته الثالثة في دورة دبي الدولية الـ26 يوم الاثنين امام جمعية سلا المغربي عند الساعة 17:30 (بتوقيت بيروت) في حال احتاج اليه المدرب فؤاد ابو شقرا .
من جهة ثانية ،كتب الزميل شربل كريم (وهو من خريجي الحكمة) على صفحته عبر موقع التواصل الاجتماعي "فايسبوك" ما يلي :
"حدا يذكّر ادارة نادي الحكمة انو عندها فريق فوتبول مُهمَل وبيلعب من دون معاشات ومن دون وجود اي عضو من اعضاء الادارة وحتى من دون معالج !!
حدا يـذكرها لهالادارة انو هالشباب الاوادم مش فارقة معهم لان اوفياء للحكمة اكثر من اولياء الحكمة، وعم يقدّموا كل شي على ارض الملعب وهني بموقف قوي للصعود الى الدرجة الاولى رغم تجاهل تعزيز الفريق بأجنبي قبل الاياب...
وحدا يخبرها انو فريق الباسكت خرج من رحم فريق الفوتبول يللي عمرو من عمر الاستقلال، يعني لولا فريق الفوتبول ما كان في شي اسمو نادي الحكمة.
صح، سمسرة وبروباغندا اعلامية بفريق الفوتبول ما في، بس فريق فوتبول في ورح يضل على قلوب كل حدا عم يحاول يلغي.
عيب، استحوا... التاريخ لن يرحم"
وينفرد موقع "ملاعب" بنشر صورة لرستم في قاعة الانتظار في مطار بيروت الدولي قبل مغادرته الى دبي .