يوجد على موقع التواصل الإجتماعي "فايسبوك" حملة "بدنا ترين بلبنان" التي تعرف عن نفسها بأنه "قبل ٥٠ سنة كنا اكتر تحضّرا.. تخلّفنا وفاتنا القطار .. خلونا نشتغل تيرجع يكون عنا "تران بلبنان".
و تقول الصفحة :"تخايل انو عنا خط ترين بيربط عكار بالناقورة مروراً بطرابلس وجبيل وجونية وبيروت والدامور وصيدا وصور..
تخايل انو تروح ع شغلك وجامعتك ومدرستك بلا ما تعلق بعجقة السير وبلا تعصيب وحرق اعصاب..
تخايل لو وفّرت فاتورة البنزين اللي بتدفعها شهرياً اديه رح ترتاح بمدخولك.. تخايل لو اكثر من ١٢٠ الف سيارة توقفوا عن الحركة يومياً اديه رح نخفف تلوث بيئي..
تخايل لو انك قادر تسكن بعيد عن العاصمة بـ ٣٠ كيلومتر وتقدر تجي وتروح يومياً ع شغلك وجامعتك بسهولة اديه رح نوفر كلفة ايجارات.. تخايل اديه انعاش الحركة الاقتصادية براة العاصمة..
تخايل ابن طرابلس بعطلة نهاية الاسبوع عم يكزدر بصور هو وعيلته لان المشوار مش مكلف؟؟ كل دول العالم سبقتنا... خلونا نلحق القطار.. خلونا نشتغل ليكون عنا ترين بلبنان".
الصفحة تستحق الدعم و الترويج , و لا سيما انها تساهم في رفع مستوى الوعي لدى المواطن, و الدلالة على حلول عملية و مستديمة و مقبولة التكاليف لأزمات السير التي تعاني منها شوارع و طرقات لبنان.
عنوان الصفحة :
https://www.facebook.com/trenbilebnen